वर्कअवे एउटा यस्तो प्लेटफर्म हो जसले आफ्ना सदस्यहरूलाई होमस्टे र संस्कृति आदानप्रदानको व्यवस्था गर्न अनुमति दिन्छ। यसका संस्थापक डेभिड मिलवार्डले आफ्नो कामको सिलसिलामा यो विचारको निर्माण सन् २००२ मा गरेका थिए। १९९० को प्रारम्भमा हवाई देशमा बसाई सर्नु परे पछि आफू बसेको होस्टेलमा काम गर्दा उनले धेरै यात्रुहरू केवल पर्यटक मात्र हुन नचाहेर कोहि सेवा पनि गर्न चाहान्छन् भन्ने कुरा महसुस गरेका थिए। घर फर्किएपछि उनले आफ्नो जग्गाको काममा अरुसँग सहयोग माग्ने क्रममा स्वइच्छुक व्यक्तिहरुलाई आफ्नै घरमा बस्ने कोठा दिन थाले र यस्को बापत इक्चुक व्यक्तिहरुले काममा सहयोग गर्न थाले र वर्कअवेको अवधारणा सुरु भयो । यस प्लेटफर्ममा दुई प्रकारका सदस्य रहन्छन् जसमा एक होस्ट(आयोजक) हुन्छन् र अर्का स्वयंसेवक हुन्छन् । स्वयंसेवकहरूले उनीहरूको आयोजकद्वारा प्रदान गरिएको आवास र खानाको सट्टामा प्रति दिन पूर्व-सहमत भए अनुसारको समय योगदान गर्ने गर्दछन्।
आयोजकहरूले workaway.info मा गएर दर्ता गर्छन र उनीहरूले आफ्नो बारेमा जानकारी दिन्छन् साथै स्वयंसेवक लाई आवश्यक पर्ने सबै किसिमका सामाग्रि तथा खाना बस्न को प्रावधान को बारेमा जानकारी प्रदान गर्दछन्। त्यसैगरी कार्यकर्ता वा स्वयंसेवकहरूले आफ्नो व्यक्तिगत विवरणहरू र तिनीहरूसँग हुन सक्ने कुनै विशेष सीपहरू सहित एक अनलाइन प्रोफाइल सिर्जना गर्छन्, त्यसपछि तिनीहरू वेबसाइट मार्फत होस्टहरूलाई सम्पर्क गर्न र छलफल गर्न सक्छन्।
Workaway प्लेटफॉर्मले नेपालका विविध प्रकारका होटल, होमस्टे तथा आवासीय प्रकारका स्थानहरुको विवरण प्रदान गर्छ। पर्यटकहरुले यी विवरणको माध्यमबाट नेपालमा आवासीय स्थान खोज्न सक्नेछन्। यस प्लेटफर्मको सहयोगले नेपालको पर्यटन क्षेत्र फस्ट्याउन धेरै मद्दत पुर्याउने अनुमान गरिएको छ। विदेशी स्वयंसेवकहरु नेपालको कला तथा संस्कृतिको अवलोकनका साथै आफुले सकेको सहयोग नेपालीलाई गर्न सक्दछन्। नेपालीहरुले Workaway प्लेटफॉर्मलाई पर्यटन व्यवसायको विकास, पर्यटकहरुलाई आकर्षित गर्न, तथा नेपाली प्रदेशहरुको प्रचारणा गर्न प्रयोग गर्न सक्नेछ। नेपालमा, Workaway.info ले दिगो कृषि, शिक्षा र संरक्षण जस्ता विभिन्न परियोजनाहरूमा संलग्न स्थानीय होस्टहरूसँग सिप भएका यात्रुहरूलाई जोडेर स्थानीय समुदायहरूलाई सहयोग गर्न मद्दत गर्न सक्छ।
यसरी, Workaway.info ले यात्रुहरूलाई सकारात्मक र अर्थपूर्ण तरिकाले स्थानीय समुदायहरूमा योगदान गर्ने अवसरहरूसँग जोडेर नेपालमा दिगो विकासलाई समर्थन र प्रवर्द्धन गर्न मद्दत गर्न सक्छ। यसले स्थानीय जनताको जीवनस्तरमा सुधार ल्याउने लक्ष्य बोकेर आयोजना गरेको प्रोजेक्टहरुलाई सहयोग प्रदान गरी देशको समग्र आर्थिक र सामाजिक विकासमा पनि योगदान पुर्याउन सक्छ ।
यसबाहेक, Workaway.info ले यात्रुहरूलाई नेपालको स्थानीय संस्कृति र जीवन शैलीको अनुभव गर्ने अनुपम अवसर पनि प्रदान गर्न सक्छ, जसले विभिन्न देश र समुदायहरूबीच सांस्कृतिक आदानप्रदान र समझदारी बढाउन मद्दत गर्दछ।