लाईकाको ब्रान्डेड क्यामेराहरूको साथ लन्च गरियो “शाओमी १३ टि”

शाओमीले विश्वव्यापी रूपमा आफ्नो नयाँ स्मार्टफोन शाओमी १३ टि र शाओमी १३ टि प्रो सार्वजनिक गरेको छ। उक्त स्मार्टफोनहरू बर्लिनमा आयोजना गरेको कार्यक्रममा सार्वजनिक गरिएको हो । यस कार्यक्रममा शाओमीले आफ्नो स्मार्टफोनसंगै अन्य प्रोडक्टहरु पनि सार्वजनिक गरेको थियो । तर आज यस लेखमा भने हामी तपाइलाई शाओमी १३ टि सिरिजको विशेषता, डिस्प्ले डिजाइन, पर्फमेन्स, लगायत नेपालमा पर्न सक्ने मुल्यको (Xiaomi 13T Series Price in Nepal) बारेमा कुरा गर्ने छौ। 

‘शाओमी १३ टि  सिरिज’ विस्तृतमा:

शाओमी १३ टि र शाओमी १३ टि प्रो, यी दुवै स्मार्टफोनको डिजाइन हेर्ने हो भने यहाँ धेरै भिन्नता छैन। यी दुवै फोनमा ६.६७ इन्च १.५के एमोलेड डिस्प्ले, १४४ हर्ज़ रिफ्रेस रेट, ४८० हर्ज़ सम्मको टच स्याम्प्लिंग रेट, २६०० निट्स सम्मको ब्राइटनेस, ~४४६ पीपीआइ डेनसिटि जस्ता समान फिचरहरु पाउन सकिन्छ।  साथै फोनलाई स्क्र्याच र फोन खस्दा हुने क्षतिको जोखिमबाट बचाउन कॉर्निंग गोरिल्ला ग्लास ५ को प्रोटेक्सन र धुलो, पानिबाट जोगाउन आइपी६८ को रेटिंग दिएको छ। यससंगै फोनमा ग्रीन, ब्ल्याक र ब्लु गरि तिनओटा कलर अपसनहरु उपलब्ध छ। 

फोनको पर्फमेन्सकाे लागि भने कम्पनिले यहाँ फरक फरक चिपसेट प्रयोग गरेको छ। शाओमी १३ टि मा  मीडियाटेकको डिमेंसिटी ८२००-अल्ट्रा चिपसेट जडान गरिएको छ, जुन ४ न्यानोमिटर फेब्रिकेसन प्रक्रियामा निर्मित अक्टा-कोर भएको प्रोसेसर हो। यस्तै शाओमी १३ टि प्रो मा भने ४ न्यानोमिटर फेब्रिकेसन प्रक्रियामा निर्मित मीडियाटेकको डिमेंसिटी ९०००+ चिपसेट समावेश गरिएको छ। यो चिपसेट चारओटा एफिसेन्सी कोर, तिनओटा सुपर कोर र एउटा अल्ट्रा कोर भएको अक्टा-कोर प्रोसेसर हो। 

यो पनि पढ्नुहोस्ः

• ५० मेगापिक्सल क्यामेरा भएको “ओप्पो ए५८” नेपालमा खरिदको लागि उपलब्ध
• मृत्यु भएपछि तपाईको फेसबुक एकाउन्टको स्थति के हुन्छ?
• मिडियाटेक डिमेन्सिटी ६१००+ प्रोसेसर भएको “रियलमी ११x फाइभ जी” नेपालमा सार्बजनिक

यस स्मार्टफोनको मुख्य आकर्षण भने यसको क्यामेरा रहेको छ। यहाँ लाईका ब्रान्डिङ सहितको ट्रिपल क्यामेरा सेटअप देख्न सकिन्छ, जसमा २४ एमएम बराबरको फोकल लेन्थ र ७पी एस्फेरिकल लेन्स सहितको ५० मेगापिक्सलको वाइड एंगल क्यामेरा, ५०एमएम बराबरको फोकल लेन्थ भएको ५० मेगापिक्सलको टेलिफोटो लेन्स र १५एमएम बराबर फोकल लेन्थ भएको १२ मेगापिक्सलको अल्ट्रा-वाइड-एंगल क्यामेरा रहेको छ। साथै अगाडी सेल्फी र भिडियो कलहरू गर्नको लागि पञ्च-होल डिजाइनमा २० मेगापिक्सलको फ्रन्ट क्यामेरा दिएको छ। 

यस्तैगरी शाओमी १३ टि मा ६७ वाट फास्ट वायर्ड चार्जिङ सहितको ५०००mAh ब्याट्रि जडान गरिएको छ, भने मेमोरी तर्फ ६ जीबी र्याम र २५६ जीबी स्टोरेज दिएको छ। साथै शाओमी १३ टि प्रो मा १२० वाट स्मार्ट हाइपर चार्ज वायर्ड टेक्नोलोजी सहितको ५०००mAh ब्याट्रि र १२/१६ जीबी र्याम र २५६/५१२ जीबी/१ टीबी स्टोरेज अफर गरिएको छ। यस्तै अपरेटिङ सिस्टममा तपाईंले एनड्रोइड १३ सहित “मियुआई १४” युजर इन्टरफेस पाउनु हुन्छ। यससंगै शाओमीले स्मार्टफोनहरूमा चार प्रमुख एन्ड्रोइड अपडेटहरू र पाँच वर्षको सिक्योरिटी अपडेटहरू दिने दाबी गरेको छ। 

शाओमी १३ ती सिरिजको बिशेषता:

मूल्य र उपलब्धता (Xiaomi 13T Series Price in Nepal and Availability)

शाओमी १३ टि र शाओमी १३ टि प्रो को मूल्य युरोपमा € ६४९ र € ७९९  तोकिएको छ। नेपालमा भने यी फोनहरु तल देखिएको मूल्यमा लन्च हुने अपेक्षा गर्न सक्छौ। 

यो पनि पढ्नुहोस्ः

• “गुगल पिक्सल ८ प्रो” बारे हामीलाई थाहा भएको सबै कुरा
• अब नाथिङ इयर (२) नेपालमा पनि खरिदको लागि उपलब्ध
• ६४ मेगापिक्सल भएको “इन्फिनिक्स नोट ३०” नेपालमा सार्वजनिक
• ग्यालेक्सी एस २२ मा “वान युआइ ६” अपडेटको लागि उपलब्ध